Robotlar endi seza olishadi!
Minnesota universiteti olimlari ko‘chma sensor qurilma ishlab chiqishdi. U robotlarga atrof-muhitni xuddi tirik jonzotlarning teri sezgisidagi kabi his etish imkonini beradi.
Yetakchi tadqiqotchi Maykl Makalpayn so‘zlariga qaraganda, “bionik teri” deb ataluvchi bu material elektron sensorlarga ega. U robotlar xizmatidan foydalanilayotgan turli sohalarga keng joriy etilishi mumkin. Olimning fikricha, bu teri jarroh robotlarni takomillashtirib, murakkab operatsiyalarni yanada aniqlik bilan o‘tkazishga yordam beradi.
