Olimlar qo‘rquvga qarshi dori o‘ylab topishdi
Olimlar insoniyatni ko‘plab fobiyalardan qutqarishga tayyor. Balandlikdan qo‘rquvchi kishilar, dorini ichgandan so‘ng osmono‘par binolarga chiqishi mumkin.
Mutaxassislar bir necha yillardan buyon qo‘rquvga qarshi dorini yaratish ustida ishlamoqda. Ushbu dori vositalari tarkibi asosan kortizol garmonidan iborat bo‘ladi. Olimlar balandlikdan qo‘rqish – akrofobiyadan aziyat chekuvchi 40 nafar bemorda sinov o‘tkazdi. Kortizolning qo‘llanilishi hayratlanarli natija berdi.
Sinalayotgan kishilar dorini qabul qilgach, yuqori tezlikdagi ochiq liftni tasvirlovchi virtual simulyatorga kiritildi. Ularga o‘rnatilgan maxsus datchiklar yordamida qon bosimi, yurak urishi va ter ajralishi kuzatildi. Kortizolni qabul qilgan bemorlarda bir oydan so‘ng bunday liftlarda sayohat qilishdan qo‘rquv yo‘qoldi.
Manba: sof.uz
