Yangi texnologiya suvni tozalaydi
Misrlik olimlar dengiz suvini chuchuklashtiruvchi yangi texnologiyani yaratishdi. Unga ko‘ra, tuzni o‘ziga tortadigan membranalar va suv bug‘i buning uddasidan chiqadi.
Membranining tarkibi esa sellyuloza atsetatidan tashkil topgan. Membrana nafaqat tuzni, balki boshqa mayda mikroorganizmlarni ham tutib qolishga qodir. Ikkinchi bosqichda esa tozalangan suv qaynatilib, bug‘ holatiga keltiriladi. Shundan so‘ng u kondensatlanib, qolgan barcha qoldiqlardan tozalanadi. Bunday suv inson ehtiyojini to‘la qondirishga qodir.
