Mo‘ynoq turizm markaziga aylantiriladi
O‘zbekiston Respublikasi Prezidenti Sh. Mirziyoev “Qoraqalpog‘iston Respublikasi Mo‘ynoq tumanini 2017–2018 yillarda iqtisodiy rivojlantirish va bandlikni ta’minlashga doir qo‘shimcha chora-tadbirlar to‘g‘risida”gi qarori bilan Qoraqalpog‘iston Respublikasining Mo‘ynoq tumanida xalqaro miqyosdagi turizm maskanini tashkil etish bo‘yicha chora-tadbirlar majmuini tasdiqladi.
Tumanda Moynaq City Center savdo-turizm majmuasi tashkil qilinadi. Bu loyiha doirasida mehmonxona, “Kitoblar dunyosi”, sovg‘alar kioski, fitnes markaz, go‘zallik saloni, optika, internet-kafe bo‘ladi. Sayyohlarga Orol dengizi qirg‘oqlari bo‘ylab kvadrotsiklda uchish, dengizning ajabtovur minerallariga to‘yingan balchiq bilan davolash, Orolning sertuz davolash vannalarini qabul qilish kabi xizmatlar taklif etiladi.
