Мўйноқ туризм марказига айлантирилади
Ўзбекистон Республикаси Президенти Ш. Мирзиёев “Қорақалпоғистон Республикаси Мўйноқ туманини 2017–2018 йилларда иқтисодий ривожлантириш ва бандликни таъминлашга доир қўшимча чора-тадбирлар тўғрисида”ги қарори билан Қорақалпоғистон Республикасининг Мўйноқ туманида халқаро миқёсдаги туризм масканини ташкил этиш бўйича чора-тадбирлар мажмуини тасдиқлади.
Туманда Moynaq City Center савдо-туризм мажмуаси ташкил қилинади. Бу лойиҳа доирасида меҳмонхона, “Китоблар дунёси”, совғалар киоски, фитнес марказ, гўзаллик салони, оптика, интернет-кафе бўлади. Сайёҳларга Орол денгизи қирғоқлари бўйлаб квадротсиклда учиш, денгизнинг ажабтовур минералларига тўйинган балчиқ билан даволаш, Оролнинг сертуз даволаш ванналарини қабул қилиш каби хизматлар таклиф этилади.
