Васийлик ва ҳомийлик неча ёшгача?
Қонун ҳужжатларида васийлик ва ҳомийлик неча ёшгача бўлган болаларга нисбатан белгиланиши кўзда тутилган?
Нигора САЛОЕВА,
Тошкент шаҳри
– Васийлик ва ҳомийлик – ота-она қарамоғидан маҳрум бўлган болаларни уларга таъминот, тарбия ҳамда таълим бериш, шунингдек, уларнинг ҳуқуқлари, эркинликлари ва қонуний манфаатларини ҳимоя қилишнинг ҳуқуқий шаклидир. Васийлик ўн тўрт ёшга тўлмаган, ҳомийлик эса ўн тўрт ёшдан ўн саккиз ёшгача бўлган болаларга нисбатан белгиланади. “Бола ҳуқуқларининг кафолатлари” тўғрисидаги Ўзбекистон Республикаси Қонуни 11-моддасининг “Боланинг ҳимояга бўлган ҳуқуқий кафолатлари” тўғрисидаги бандида ушбу масала белгилаб қўйилган.
Саволингизга Шайхонтоҳур тумани 2-сонли давлат нотариал идораси нотариуси Камола ЖЎРАЕВА жавоб берди.
