O‘z insoningizni izlang…
Ernesto Bonivur
Jo‘shqin, kuchli, baxtli insonlarni izlang… Ular go‘yoki yulduzlarga o‘xshaydi, boshingizni yuqoriga ko‘tarmaguningizcha, ko‘ra olmaysiz. Ko‘zingiz yulduzlar olamiga g‘arq bo‘lganida, ularning son-sanog‘i yo‘q ekanligini anglaysiz. O‘z insoningizni izlang. Ularga ham nihoyatda og‘ir. Ularda ham qora kunlar, xatolar va ayriliqlar bo‘ladi. Biroq u insonlar doimo qo‘rquv orasidan yurishga tayyor, ular siljishlardan ta’sirlanadi, hayot sur’atini o‘nglaydi. Ularning hayoti ba’zida yaxshi, ba’zida yomon. Ular havas qilgulik va achingulik insonlar emas. Ular sizga omadingizdan quvonish va o‘zingizni sevishingiz uchun taqdirning tuhfasidir.
Ishonchli va halol insonlarni izlang. Ikkiyuzlamachi va yolg‘on tabassum ulashuvchi insonlardan qahr va g‘azabini bekitmaydiganlarni izlang. U o‘ylaganini gapiradi. Mayli ba’zida bu yoqimsiz bo‘lsin, mayli u ba’zida yuragingizni qattiq larzaga solsin. Ammo, halol bo‘lsin. Qahr bilan emas. Toki muhabbat bilan. Chin dildan quvonib, baland ovozda, baralla kula olsin. O‘z shodligini bekitmasin, undan iymanmasin.
Umrbod seva oladigan insonlarni izlang. Sevgingizga arziydigan va kuta oladigan insonlarni izlang. Ikki yolg‘iz ko‘lning qo‘shilishidan dengiz paydo bo‘ladi. Hayotingizning katta bo‘lagini izlang. Qayg‘uli, quvnoq, kichik, katta bog‘larning sahnasidan izlang. Ular biroz bola tabiat bo‘lishadi, hayotga ezgu ishonch bilan qadam tashlashadi. Ular hammasini: qorani ham, oqni ham ko‘rib turishipti, albatta. Ammo sariq, qizil, ko‘k ranglardan zavq olishmoqda… Ularni izlang. Faqat boshni baland ko‘tarish kerak xolos.
Xurshida HUSENOVA tarjimasi
