Salmoqli natijalarga erishdik
Baxtiyor BOBONAZAROV,
Toshkent pediatriya tibbiyot instituti katta o‘qituvchisi, oliy toifali shifokor, nefrolog:
– Chorak asrdan buyon tibbiyot sohasida faoliyat yuritib kelaman. Agar o‘tgan yilga nazar tashlasak, tibbiyot tizimida bir qancha salmoqli natijalarga erishdik. Xususan, O‘zbekiston Respublikasi Sog‘liqni saqlash vazirligi bilan “Salomatlik – 3” dasturi asosida respublikamizning eng chekka viloyat va tumanlarida bo‘lib, “Fertil yoshidagi onalar va bolalar haftaligi” doirasida Toshkent pediatriya tibbiyot instituti professor-o‘qituvchilari va tor mutaxassislari tomonidan aholiga yuqori malakali xizmatlar ko‘rsatildi.
Fursatdan foydalanib, O‘zbekiston xalqini, jumladan, Toshkent pediatriya tibbiyot instituti professor-o‘qituvchilari va gazeta mushtariylarini Yangi yil bayrami bilan chin yurakdan tabriklayman. Ertalab uyg‘onishingizga bolajoningizning shirin kulgusi sabab bo‘lsin! Salomatlik doimo hamrohingiz bo‘lsin!
