Quvonch xastalikni yengadi
Husanjonning archa haqidagi she’riy chiqishi “Sog‘lom avlod uchun” xalqaro xayriya fondi Toshkent shahar tayanch maskani tomonidan Respublika onkologiya ilmiy markazida o‘tkazilgan yangi yil shodiyonasida yig‘ilgan mehmonlarga ko‘tarinkilik ulashdi.
Muassasaning bolalar bo‘limida o‘tkazilgan shodiyona xayriya aksiya tarzida o‘tkazilib, tadbirga Qorbobo va Qorqiz, turli ertak qahramonlari tashrif buyurdi. Ulardan zavqlangan bolalar o‘zlari yod olgan she’r va topishmoqlari bilan barchani xushnud etdi.
Bayram yakunida homiylar tomonidan tayyorlangan Yangi yil sovg‘alari bolajonlarga tortiq etildi.
O‘Z muxbirimiz
