2012 ЙИЛ ТАРИХ САҲИФАЛАРИДА

16-17 февраль кунлари “Юксак билимли ва интеллектуал ривожланган авлодни тарбиялаш – мамлакатни барқарор тараққий эттириш ва модернизация қилишнинг энг муҳим шарти” мавзуида халқаро конференция бўлиб ўтди.

Конференцияда БМТ, Осиё тараққиёт банки, Жаҳон банки, Ислом тараққиёт банки вакиллари, Буюк Британия, Германия, Италия, Хитой, АҚШ, Жанубий Корея, Япония, Россия каби дунёнинг 48 давлатидан таълим тизими раҳбарлари, олимлар, мутахассислар иштирок этди.

Ташриф давомида форум иштирокчилари Самарқанд ва Бухоро шаҳарларида ҳам бўлдилар.

* * *

Футбол бўйича Эронда ўтказилган ўсмирлар ўртасидаги Осиё чемпионатида Ўзбекистон терма жамоаси ғолибликни қўлга киритди ва 2013 йил Туркияда бўлиб ўтадиган жаҳон чемпионатида қатнашиш учун йўлланмани қўлга киритди.

* * *

Шу йил “Art Week Style.uz” санъат ҳафталиги доирасида ўтказилган “Олтин Гепард” иккинчи халқаро Тошкент кинофоруми бўлиб ўтди.

Кинофорумда Осиё, Европа, Африка, Жанубий ва Шимолий Америка давлатларидан режиссёр ва актёрлар, продюссерлар ҳамда санъатшунос мутахассислар иштирок этди.

* * *

Жорий йилда Россиянинг Калининград шаҳрида ногирон-ампутант футболчилар ўртасида ўтказилган жаҳон чемпионатида Ўзбекистон терма жамоаси ғолибликни қўлга киритиб 3 карра жаҳон чемпионига айланди.

* * *

Шу йил Ватанимизнинг қутлуғ 21 йиллик шодиёналари арафасида мамлакатимиз узра қувончли хабар тарқалди: япониялик олимлар таклифи билан 22948-сонли кичик сайёра Халқаро астраномия иттифоқи “Майданак” деб номлади.

* * *

Ўзбекистон Республикаси мустақиллигининг 21 йиллиги арафасида академик В.Воҳидов номидаги Республика ихтисослаштирилган Хирургия марказида замонавий кардиохирургия мажмуаси қуриб, фойдаланишга топширилди.

Тўрт қаватли мазкур мажмуа кардиохирургия йўналишида фойдаланадиган барча замонавий техника ва технологиялар билан таъминланган.

***

Пойтахтимиздаги Симпозиумлар саройида жорий йилнинг 14 сентябрь куни Президентимиз Ислом Каримовнинг ташаббуси билан ташкил этилган “Ўзбекистонда ижтимоий-иқтисодий сиёсатни амалга оширишда кичик бизнес ва хусусий тадбиркорликнинг роли ва аҳамияти” мавзуида халқаро конференция бўлиб ўтди. Унда Ўзбекистон Республикаси Президенти Ислом Каримов нутқ сўзлади.

* * *

2012 йил Ўзбекистон Республикасининг “Мардлик” ордени таъсис этилди.

* * *

Ўтаётган йилнинг 28 сентябрь куни сўнгги технологиялар асосида қуриб битказилган, барча қулайликларга эга “Бунёдкор” футбол стадионининг очилиш маросими бўлиб ўтди.

34 минг ўринли стадион трибуналарида томошабинлар учун мўлжалланган ўринлар пастки ва юқори қаватларга бўлинган. Шунингдек, бу ерда ногиронлар учун мўлжалланган алоҳида сектор мавжуд.

* * *

2012 йилнинг октябрь ойида Ўзбекистон Республикаси Маданият ва спорт ишлари вазирлиги, Шарқ яккакурашлари ва жанг санъатларини ривожлантириш маркази, Республика шотокан каратэ-до ассоциацияси ҳамда Жаҳон шотокан каратэ-до федерацияси (WSKF) ҳамкорлигида пойтахтимизда шотокан каратэ-до бўйича II жаҳон кубоги баҳслари бўлиб ўтди.

Мусобақада дунёнинг йигирмага яқин давлатидан қарийб саккиз юз нафар спортчи ғолиблик учун кураш олиб борди.

Ушбу нуфузли мусобақада ҳамюртларимиз энг кўп — 33 та олтин, 36 та кумуш ва 44 та бронза медалини қўлга киритиб, умумжамоа ҳисобида биринчи ўринни эгаллашди. Иккинчи ва учинчи ўринлар Қозоғистон ҳамда эронлик спортчиларга насиб этди.

* * *

7 декабрь куни “Ўзбекистон” халқаро анжуманлар саройида бўлиб ўтган Ўзбекистон Республикаси Конституцияси қабул қилинган кунининг йигирма йиллигига бағишланган тантанали йиғилишида Президентимиз Ислом Каримов маъруза қилди ва 2013 йилни “Обод турмуш йили” деб эълон қилди.

Яна ўқинг:  Хушхабар, рақамлар (2015–45)

Читайте также:

Добавить комментарий

Ваш адрес email не будет опубликован. Обязательные поля помечены *

Сообщить об опечатке

Текст, который будет отправлен нашим редакторам: