Tovada pishirilgan pitssa
Pitssa shinavandalari uchun ajoyib yangilik. Biz tavsiya qilmoqchi bo‘lgan ajoyib pitssani tovada pishirishingiz mumkin.
Zarur masalliqlar: 9 osh qoshiq un, 4 osh qoshiq kefir yoki smetana, shuncha miqdorda mayonez, 2 ta tuxum, 1 chimdim iste’mol sodasi, pishloq, go‘sht va 1 dona piyoz.
Tayyorlanishi: avval mayonez, kefir (yoki smetana), un, tuxum, iste’mol sodasi aralashtirilib, suyuq xamir qoriladi. So‘ngra tayyor xamir yog‘ surilgan tovaga solinadi. Uning ustiga pitssa uchun mo‘ljallangan pishloq, go‘sht va piyoz terib chiqiladi. Keyin ustidan qirg‘ichdan o‘tkazilgan pishloq sepiladi. Shundan so‘ng barcha masalliq tovada 15 daqiqa davomida pishiriladi.
BEGOYIM
