Hozirgidek tinch, to‘kin hayotni ko‘rmaganman
Umrim o‘tib, hozirgidek obod zamonni, tinch, to‘kin hayotni ko‘rmaganman. O‘tmishda biz ham, farzandlarimiz ham to‘yib ovqat yemaganmiz. Kunni tunga ulab mehnat qilsak-da, ularga bugungi nevara, chevaralarim kiyinayotganidek dam-badam yangi libos olib berishga qurbimiz yetmasdi. Bugun bolalarim, nevara, chevaralarimning to‘kin, baxtli hayot kechirayotganini ko‘rib, beixtiyor yoshligimni, bir burda nonga zor, mehr-oqibatga mushtoq bo‘lgan beshafqat yillarni eslayman. Ozodlik umrimga umr qo‘shayotganidan quvonaman. Kundan-kun obod bo‘lib borayotgan yurtimizda yoshu keksaga birdek g‘amxo‘rlik ko‘rsatayotgan Yurtboshimiz ushbu yuksak mukofotga loyiq ko‘rganidan faxrlanib, yanada yoshargandek his etdim o‘zimni. Ilohim, yurtimizda tinchlik, to‘kin-sochinlik, obodlik boqiy bo‘lsin!
Hayit momo TO‘RAYEVA,
Surxondaryo viloyati, 111 yosh,
“Shuhrat” medali sohibi
