ZUMRADOYLAR DAVRASI
Poytaxtimizdagi 555-maktabgacha ta’lim muassasasida Sog‘lom ona va bola yili munosabati bilan “Zumradoylar davrasida” ko‘rik-tanlovi bo‘lib o‘tdi. Tanlovda qizaloqlar salomlashish, dasturxon odobi, kattalarga hurmat to‘g‘risida teatrlashgan sahna ko‘rinishlarini tashkil etdi. Mashg‘ulotlar davomida ular ingliz va rus tilidagi she’rlarni yoddan ifodali o‘qib berishdi.
Tarbiyalanuvchilar onalari ko‘magida qog‘oz va qiyqim matolardan applikatsiya yasashdi. Pazandalik bo‘yicha boshlang‘ich ko‘nikmalarini namoyish qilishdi.
M. TOLIPOVA
