ShOIRANI YOD ETIB
Atoqli shoiramiz Zulfiyaxonim tavalludi munosabati bilan joylarda ijodiy uchrashuvlar bo‘lib o‘tmoqda.
Shu munosabat bilan uning haykali qad rostlagan maydonda ziyolilar, Zulfiya mukofoti sovrindorlari, mutasaddi tashkilot a’zolari hamda ijodkorlar ishtirokida tadbir bo‘lib o‘tdi.
Tadbirda so‘zga chiqqanlar Zulfiyaxonimning hayot yo‘li, uning ijodi, o‘zbek she’riyatiga qo‘shgan hissasi haqida fikr yuritdi.
Bundan tashqari tadbirda ishtirok etgan har bir ishtirokchi shoira ijodidan namunalar o‘qishdi, mushoira esa san’atkorlarning kuy-qo‘shiqlariga ulandi.
Aytish joizki, bunday madaniy tadbirlarning o‘tkazilishi xalqimiz obod turmushining amaliy ifodasidir.
Tadbir so‘ngida shoira haykali poyiga gulchambarlar qo‘yildi.
J. SA’DULLAYEV
