Ozod yurtning obod xonadonlari
Qarshi tumanidagi Bog‘obod qishloq fuqarolar yig‘iniga qarashli To‘qmang‘it zamonaviy massivi ham yil sayin obod va ko‘rkam maskanga aylanmoqda. 2015 yilda ushbu massivda 149 uy-joy barpo etilib, o‘z egalariga topshirildi.
– Mana shu uyga ko‘chib o‘tdigu zamonaviy sharoitlarda yashash qanday bo‘lishini angladik, – deydi Shavkat Xo‘jalov. – Ilgari bizga shunisi ham bo‘laveradi, deb yuravergan ekanmiz-da. Hayotga munosabatimiz o‘zgardi. Yashashni o‘rgandik. Bu yerdagi sharoitlardan ayolimning, farzandlarimning xursandligini ko‘rib, yayrab ketaman. Mo‘jazgina tomorqada poliz va sabzavot mahsulotlari yetishtiryapmiz. Bunday shirin hayot uchun Prezidentimizdan behad minnatdormiz.
O‘zA.
