Fan oyligi yakunlandi

Shayxontohur tumanidagi 39-umumta’lim maktabida “Oktyabr – ona tili va adabiyot fanlari oyligi” yuqori saviyada o‘tkazildi. Mazkur fan oyligida o‘quvchilar o‘rtasida “Eng chiroyli husnixat”, “O‘zbek adabiyoti bilimdoni”, “Ajdodlarimga munosib avlodman” kabi ko‘rik-tanlovlar o‘tkazildi.

“O‘zbek adabiyoti bilimdoni” ko‘rik-tanlovida maktabning 8-9-sinf o‘quvchilari ishtirok etishdi. 9-sinf o‘quvchisi Risolat Abnumannopova g‘olib deb topilib, tanlovning tuman bosqichida ham qatnashdi. U tumanda faxrli 3-o‘rinni egalladi.

Shuningdek, tumanda fan o‘qituvchilari o‘rtasida bo‘lib o‘tgan ko‘rik-tanlovda ona tili va adabiyot o‘qituvchisi Manzura Rahimova “Eng yaxshi animatsion dars ishlanmasi”, Nodira Rustamova “Eng yaxshi tarqatma material” uchun faxrli o‘rinlarga munosib deb topildi.

V. PO‘LATOVA