TA’TIL MAROQLI O‘TMOQDA
Poytaxtimizdagi “SOS – bolalar shaharchasi”da “Betakrorimsan, yagonasan, ona Vatanim – O‘zbekistonim!” shiori ostida madaniy-ma’rifiy tadbir bo‘lib o‘tdi.
Mazkur tadbir yosh avlod qalbida muqaddas Vatanimizni ulug‘lash, uni ko‘z qorachig‘idek asrash, sha’nu sharafini himoya qilish, yurtga sadoqat kabi ezgu tuyg‘ularni singdirishdek maqsadlarga xizmat qiladi.
San’atni sevgan, unga oshufta bo‘lgan yurak ezgulikka limmo-lim bo‘ladi. Tadbirda yoshlar bu boradagi bilimlarini ham sinovdan o‘tkazib, o‘z iste’dodini namoyon etdi.
Taniqli san’atkorlar, yosh ijrochilarning tinchlik, Vatan va istiqlolni tarannum etuvchi kuy-qo‘shiqlari tadbir ishtirokchilariga o‘zgacha zavq baxsh etdi.
Dilafruz QODIROVA
