ENG FAOL MA’NAVIYAT TARG‘IBOTCHILARI IQTIDORINI NAMOYISH ETDI

Poytaxtimizda “Yilning eng faol ma’naviy-ma’rifiy ishlar bo‘yicha direktor o‘rinbosari” ko‘rik-tanlovining mamlakat bosqichi bo‘lib o‘tdi.

Xalq ta’limi vazirligi tomonidan O‘zbekiston Xotin-qizlar qo‘mitasi, Ichki ishlar vazirligi, Respublika Ma’naviyat targ‘ibot markazi, Milliy g‘oya va mafkura ilmiy-amaliy markazi, “Oila” ilmiy-amaliy markazi, “Mahalla” xayriya jamoat fondi, “Kamolot” yoshlar ijtimoiy harakati hamkorligida tashkil etilgan ko‘rik-tanlovda yosh avlod ma’naviyatini boyitishga katta hissa qo‘shayotgan, ilg‘or, tashabbuskor ziyolilar aniqlandi.

Mazkur an’anaviy respublika ko‘rik-tanlovi ta’lim muassasalari direktor o‘rinbosarlari orasidan eng namunalilarini aniqlash, ularning ish tajribasini ommalashtirish, ta’lim sifatini oshirishga qo‘shgan hissasi, ijodiy tashabbuskorligini e’tirof etish, qo‘llab-quvvatlashda ayni muddao bo‘lmoqda.

Ko‘rik-tanlovning mamlakat bosqichi qizg‘in jarayonlarga boy bo‘ldi. Hakamlar hay’ati ishtirokchilar salohiyatini besh shart asosida baholadi. Birinchi shartda ishtirokchilar o‘z faoliyati haqida “Mening g‘oyam” mavzusida taqdimot o‘tkazdi. Ikkinchi shartda ta’lim-tarbiya jarayonida uchraydigan ayrim muammoli vaziyatlarga samarali yechim izlangan bo‘lsa, uchinchi shartda intellektual salohiyat sinovdan o‘tkazildi. Keyingi shartda mas’­uliyatli kasb egalari o‘zlarining axborot-kommunikatsiya texnologiyalaridan foydalanish imkoniyatlarini namoyish etishdi. Erkin mavzudagi beshinchi shartda qo‘shiq aytish, musiqa asboblarini chalish, she’r aytish, notiqlik mahoratini namoyish etdi.

Toshkent shahar Uchtepa tumanidagi 107-ixtisoslashtirilgan umumta’lim maktabi direktorining ma’naviy-ma’rifiy ishlar bo‘yicha o‘rinbosari Shoira Bagirova birinchi, Samarqand tumanidagi 2-umumta’lim maktabi direktorining ma’naviy-ma’rifiy ishlar bo‘yicha o‘rinbosari Sitora Zafarova ikkinchi, Navoiy viloyati Navbahor tumanidagi 5-umumta’lim maktabi direktorining ma’naviy-ma’rifiy ishlar bo‘yicha o‘rinbosari Dilfuza Tilovova uchinchi o‘ringa munosib deb topildi.

O‘zbekiston Respublikasi

Xalq ta’limi vazirligi matbuot xizmati

Yana o‘qing:  Sport xabarlari (2015-31)

Chitayte takje:

Dobavit kommentariy

Vash adres email ne budet opublikovan. Obyazatelni’e polya pomecheni’ *

Soobsh’it ob opechatke

Tekst, kotori’y budet otpravlen nashim redaktoram: