ХУШТАЪМ САЛАТ
Зарур маҳсулотлар: 250 гр. “черри” навли помидор (майда помидор), қора мурч, 50 гр. тозаланган ёнғоқ, кўкатлар, 2 дона булғор қалампири, 2 ош қошиқдан соя ва ўсимлик ёғи, 0, 5 чой қошиқда асал, сирка керак бўлади.
Тайёрланиши: помидорларни икки бўлакка бўлиб чиқамиз. Булғор қалампирини сомонча шаклида тўғраб помидорга қўшамиз. Тозаланган ёнғоқни блендер орқали майдалаб тўғралган маҳсулотларга аралаштирамиз. Алоҳида идишда зайтун ёғи, сирка ва асал ёрдамида махсус қайла тайёрланади, юқоридаги масаллиқлар билан аралаштирилади. Тайёр бўлган маҳсулотларга ўсимлик ёғи ва майда тўғралган кўкатлар қўшилади. Қарабсизки, ёзнинг сархил сабзавотларидан тайёрланган хуштаъм салат тайёр. Ёқимли иштаҳа!
ГУЛОЙИМ
