OLTI TUGMALI KLAVIATURA
“Trickey” – tijorat klaviaturasi. U doimiy bir turdagi ishni bajaruvchilar, standart klaviaturaga muhtoj bo‘lmaganlar uchun juda qulaydir. “Trickey”da klaviaturaning to‘la o‘lchamini o‘zgartirish mumkin.
Foydalanuvchilar klaviatura vazifasini mustaqil tanlay oladi, shuningdek, klaviaturaga raqamlar, boshqa shartli belgilar, tugmalar o‘rnatish ham ularning o‘z ixtiyorida. “Trickey” klaviaturasi oltita tugmani sig‘dira oladi. Agar foydalanuvchiga bundan ko‘prog‘i kerak bo‘lsa, klaviaturani boshqa bloklarga ulab ham birgalikda ishlatish mumkin. Qurilma muallifining so‘zlariga ko‘ra, sinov davomida “Trickey”ga 20 tagacha tugma ulab ko‘rilgan. Klaviaturaning ishlashida esa hech qanday muammo kuzatilmagan.
Hozircha “Trickey” ishlov berish va sinovdan o‘tkazish bosqichida. Uskuna USB HID guruhiga tegishli, shuningdek, u qo‘shimcha platformalarda ham ishlay oladi. Qurilma yaratuvchilari uning “Windows” va “OS X”da ishlashi uchun dastur bilan ta’minlashni rejalashtirgan.
