BOBOM YASAGAN BESHIK
Zavqdan jo‘shib, ham baralla,
Momolarim aytar alla,
Mehr bunyod etgan qal’a,
Bobom yasab bergan beshik.
Deyishadi jannat uyi,
Taraladi bir xushbo‘yi,
Usiz o‘tmas elning to‘yi,
Bobom yasab bergan beshik.
Jajji, murg‘ak yurak urar,
Unib-o‘sib shodon yurar,
Bobomni yod etib turar,
Uyimizda turgan beshik.
Orastabonu TILOVBERDIYEVA,
“Nafis g‘unchalar” to‘garagi a’zosi
