QALBLARDA VATAN TARANNUMI
Namanganda O‘zbekiston Respublikasi Madaniyat va sport ishlari vazirligi hamda “O‘zbeknavo” estrada birlashmasi hamkorligida taniqli yozuvchi va shoirlar, madaniyat va san’at namoyandalari, talaba-yoshlar, keng jamoatchilik ishtirokida “Nima qildik Vatan uchun?” shiori ostida ijodiy festival bo‘lib o‘tdi.
Alisher Navoiy nomidagi viloyat musiqali drama va komediya teatrida bo‘lib o‘tgan tadbirda Prezidentimiz rahnamoligida amalga oshirilayotgan ma’naviy-ma’rifiy islohotlar jarayonida navqiron avlodni jismonan sog‘lom, ma’nan yetuk insonlar etib tarbiyalash, yoshlarning iste’dod va salohiyatini yuzaga chiqarish, intilish va tashabbuslarini qo‘llab-quvvatlashga alohida e’tibor qaratilayotgani ta’kidlandi.
Tadbir doirasida tashkil etilgan taniqli san’atkorlar va yosh ijrochilar ishtirokidagi gala-konsert barchaga bayramona kayfiyat bag‘ishladi.
N.IKROMOV
