ҚАЛБЛАРДА ВАТАН ТАРАННУМИ
Наманганда Ўзбекистон Республикаси Маданият ва спорт ишлари вазирлиги ҳамда “Ўзбекнаво” эстрада бирлашмаси ҳамкорлигида таниқли ёзувчи ва шоирлар, маданият ва санъат намояндалари, талаба-ёшлар, кенг жамоатчилик иштирокида “Нима қилдик Ватан учун?” шиори остида ижодий фестиваль бўлиб ўтди.
Алишер Навоий номидаги вилоят мусиқали драма ва комедия театрида бўлиб ўтган тадбирда Президентимиз раҳнамолигида амалга оширилаётган маънавий-маърифий ислоҳотлар жараёнида навқирон авлодни жисмонан соғлом, маънан етук инсонлар этиб тарбиялаш, ёшларнинг истеъдод ва салоҳиятини юзага чиқариш, интилиш ва ташаббусларини қўллаб-қувватлашга алоҳида эътибор қаратилаётгани таъкидланди.
Тадбир доирасида ташкил этилган таниқли санъаткорлар ва ёш ижрочилар иштирокидаги гала-концерт барчага байрамона кайфият бағишлади.
Н.ИКРОМОВ
