XXXI YOZGI OLIMPIYa O‘YINLARIGA TAYYORGARLIK
Yigirma uch yoshgacha bo‘lgan qizlardan iborat O‘zbekiston terma jamoasi joriy yilning 11-15 mart kunlari Iordaniyada futbol bo‘yicha bo‘lib o‘tadigan XXXI yozgi Olimpiya o‘yinlariga saralash musobaqasida ishtirok etadi. Unda futbolchilarimiz Iordaniya, Gongkong va Falastin terma jamoalariga qarshi maydonga tushadi.
Musobaqaga tayyorgarlik ko‘rish maqsadida O‘zbekiston qizlar terma jamoasi a’zolari Eronda tashkil etilgan o‘quv-mashg‘ulot yig‘inida ishtirok etdi. Yig‘in doirasida hamyurtlarimiz Eron qizlar terma jamoasiga qarshi uchta o‘rtoqlik uchrashuvi o‘tkazdi. Qizlarimiz dastlabki bahsda 1:0, ikkinchi o‘yinda 5:1 hisobida g‘alaba qozongan bo‘lsa, so‘nggi bahsda hisob ochilmadi.
T.ORTIQOVA
