NAZM VA NAVO
“Turkiston” saroyida Alisher Navoiy tavalludining 574 yilligiga bag‘ishlangan kecha tashkil etildi.
Mazkur “Nazm va navo” musiqali-ma’rifiy tadbiri xalqimiz, ayniqsa, yosh avlodning ulug‘ bobomiz ijodiga bo‘lgan mehrini yanada oshirish, tafakkur va ma’naviyati, badiiy estetik madaniyatini yuksaltirishga qaratilgani bilan ahamiyatlidir.
O‘zbekiston Respublikasi Madaniyat va sport ishlari vazirligi, Yozuvchilar uyushmasi, Respublika Ma’naviyat targ‘ibot markazi, Badiiy akademiya, O‘zbekiston matbuot va axborot agentligi, “Tasviriy oyina” ijodiy uyushmasi va boshqa qator tashkilotlar hamkorligida tashkil etilgan kechada davlat va jamoat tashkilotlari vakillari, yozuvchi va shoirlar, adabiyotshunos olimlar, madaniyat va san’at namoyandalari, tabarruk otaxon va onaxonlar, iqtidorli talabalar ishtirok etdi.
Saroy foyesida buyuk mutafakkir hayoti va ijodiga bag‘ishlangan tasviriy va amaliy san’at namunalari, Navoiy asarlari va navoiyshunoslikka oid kitoblar ko‘rgazmasi tashkil etildi.
M.TOLIPOVA,
“Sog‘lom avlod” muxbiri
