SPORTCHILARIMIZNING MUVAFFAQIYATI
Chexiyada yengil atletika bo‘yicha o‘tkazilgan xalqaro turnirda O‘zbekiston terma jamoasi a’zolari muvaffaqiyatli ishtirok etdi.
Mazkur musobaqada yengil atletikachilarimiz umumiy hisobda 5 ta medalni qo‘lga kiritishgan.
Uzunlikka sakrash bo‘yicha sportchilarimizdan Aziz Omonov oltin, Ruslan Qurbonov kumush medalni qo‘lga kiritgan bo‘lsa, langarcho‘pga tayanib sakrash bahslarida Leonid Andreev oltin, balandlikka sakrash bo‘yicha Yekaterina Voronina kumush medalga loyiq, deb topildi.
Yana bir tajribali sportchimiz Anastasiya Juravlyova uzunlikka sakrash bo‘yicha qizlar o‘rtasida o‘tkazilgan musobaqada bronza medal bilan taqdirlandi.
