OZOD YURT AVLODI
“Avvalo, jahon chempionatiga chiqqanimizdan xursandmiz, lekin bizning maqsadimiz – bu bilan cheklanib qolmaslik. Musobaqaga tayyorgarlik jarayonida chempion bo‘lishni niyat qilganmiz”, – deydi O‘zbekiston yoshlar terma jamoasi sardori Vladimir Kozak. Ozod va obod yurt o‘g‘lonining so‘zi shunday bo‘lishi kerak. Faxr va o‘z zimmasiga olgan mas’uliyat hissini tushunishi lozim. Zero, oynai jahon qarshisidagi millionlab muxlislarning bu avloddan umidi kattadir. Yoshlik shu narsa bilan baxtiyorki, uning kelajagi bor. Biz kelajakning porloq bo‘lishiga ishonamiz.
Navro‘z NORBOBOYEV
