Xushxabar, raqamlar (2014/34)
Ayni paytda, yurtimizda 1 million 800 ming nafardan ortiq bola 30 dan ziyod sport turi bilan muntazam shug‘ullanmoqda.
* * *
O‘tgan besh yilda mamlakatimizning barcha viloyatlarida namunaviy loyihalar asosida hajmi 25 metrga 12 metr bo‘lgan 14 ta yangi va zamonaviy yopiq suzish havzasi barpo etildi, 13 ta suzish havzasi qaytadan qurildi, 83 tasi kapital ta’mirlandi. Shu davrda 110 ta suzish havzasi foydalanishga topshirildi, ularning umumiy soni bugungi kunda yurtimiz bo‘yicha 203 taga yetdi.
Hozirgi vaqtda suv sporti bilan 13 ming nafardan ortiq o‘g‘il-qizlarimiz muntazam ravishda shug‘ullanmoqda.
* * *
Joriy yilga qadar yosh sportchilarimiz o‘z mahorati, azmu shijoatini namoyon etib, xalqaro musobaqalarda 922 ta medalni, jumladan, 363 ta oltin, 282 ta kumush va 277 ta bronza medalni qo‘lga kiritdi.
