El sog‘ligi – yurt boyligi
Inson qadri aziz bo‘lgan yurtimizda istiqlolning dastlabki yillaridanoq tibbiyot sohasida keng ko‘lamli ishlar amalga oshirildi va davom etmoqda. Mamlakatimizning shahar hamda tumanlaridan tortib, chekka qishlog‘u ovullarigacha oilaviy poliklinika va qishloq vrachlik punktlari tashkil qilinib, zamon talablariga javob beradigan jihozlar bilan ta’minlangan.
Ana shunday tibbiyot maskanlaridan biri – poytaxtimizning Olmazor tumanidagi 14-sonli oilaviy poliklinika 2004 yildan buyon faoliyat yuritib kelmoqda. Mazkur tibbiyot muassasasida ko‘plab xastaliklarga tashxis qo‘yish va davolash, tibbiy maslahatlar olish imkoniyati mavjud.
Ayni paytda poliklinika 30 ming nafardan ziyod aholiga tibbiy xizmat ko‘rsatmoqda.
