XABARLAR, YANGILIKLAR, VOQEALAR (2014/32)
Темурийлар тарихи давлат музейида Ўзбекистон “Миллий тикланиш” демократик партияси марказий кенгаши томонидан “Ягонасан, муқаддас Ватан: Ўзбекистон кеча ва бугун” мавзусида давра суҳбати ўтказилди.
Андижонда “Ишбилармон талаба – 2014” кўрик-танловининг вилоят босқичи бўлиб ўтди. Унда 48 нафар талаба-ёшлар ўзларининг ҳунармандчилик, амалий санъат буюмлари ишлаб чиқариш, хизмат кўрсатиш, сервис ва қишлоқ хўжалиги соҳасини ривожлантириш борасидаги кўргазмали, инновацион лойиҳаларини намойиш этди.
Тошкент давлат техника университети спорт мажмуасида оилавий жамоалар ўртасида “Соғлом оила” шиори остидаги спорт мусобақаларининг Тошкент шаҳар босқичи бўлиб ўтди.
Пойтахтимизда теннис бўйича ўсмирлар ўртасида “NBU Cup” халқаро турнири бошланди. Унда дунёнинг ўндан зиёд мамлакатидан юз нафарга яқин ўғил-қиз ғолиблик учун куч синашмоқда.
