“Nankin-2014”ga yana bir yo‘llanma
2014 yilning 2-7 aprel kunlari Tailandda stol tennisi bo‘yicha o‘smirlar o‘rtasida o‘tkazilgan Osiyo chempionatida qit’aning yetakchi sportchilari aniqlanishi bilan birga, joriy yilning 16-28 avgust kunlari Nankin shahri (Xitoy)da o‘tkaziladigan II o‘smirlar Olimpiada o‘yinlarining yo‘llanmalari ham o‘ynaldi.
O‘zbekiston Milliy Olimpiya qo‘mitasi matbuot xizmati bergan ma’lumotlarga ko‘ra ushbu musobaqada Osiyoning 26 davlatidan kelgan 1200 nafar sportchi ishtirok etgan. O‘tgan qit’a chempionatida O‘zbekiston o‘smirlar terma jamoasi a’zosi Regina Kim yakkalik bahslarda muvaffaqiyatli ishtirok etib, Nankin shahrida o‘tkaziladigan II o‘smirlar Olimpiada o‘yinlari yo‘llanmasini qo‘lga kiritdi.
G.Egamberdiyeva tayyorladi
