“Нанкин-2014”га яна бир йўлланма
2014 йилнинг 2-7 апрель кунлари Таиландда стол тенниси бўйича ўсмирлар ўртасида ўтказилган Осиё чемпионатида қитъанинг етакчи спортчилари аниқланиши билан бирга, жорий йилнинг 16-28 август кунлари Нанкин шаҳри (Хитой)да ўтказиладиган II ўсмирлар Олимпиада ўйинларининг йўлланмалари ҳам ўйналди.
Ўзбекистон Миллий Олимпия қўмитаси матбуот хизмати берган маълумотларга кўра ушбу мусобақада Осиёнинг 26 давлатидан келган 1200 нафар спортчи иштирок этган. Ўтган қитъа чемпионатида Ўзбекистон ўсмирлар терма жамоаси аъзоси Регина Ким яккалик баҳсларда муваффақиятли иштирок этиб, Нанкин шаҳрида ўтказиладиган II ўсмирлар Олимпиада ўйинлари йўлланмасини қўлга киритди.
Г.Эгамбердиева тайёрлади
