Идиш ювувчи шаффоф машина
”Heatworks” компанияси “Tetra” номли кичик ҳажмли идиш ювувчи машинани ишлаб чиқарди.
Бу машина 2-3 кишидан иборат оилалар учун мўлжалланган. Катталиги микротўлқинли агрегат ҳажмига тенг бўлган “Tetra” қурилмаси шаффоф қобиқ билан қопланган бўлиб, ундаги ювиш жараёнини кузатиб туриш мумкин. У бирваракайига 2 кишилик тўпламли идишларни ёки 10 та ликопчани ювади. “Tetra” сув тармоғига уланмайди. Унга сув қўлда қуйилади. Бунинг натижасида 1 йилда 5700 литр сув ва анча миқдорда ювиш воситаларини тежаб қолиш мумкин. Ишлаб чиқарувчилар ҳозирча унинг бозордаги баҳоси 300 АҚШ долларидан камроқ бўлишини айтишмоқда.
