Elektr energiyasidan to‘g‘ri foydalanayapsizmi?
Bugungi kunda hech bir xonadonni elektr asboblarisiz tasavvur etib bo‘lmaydi. Shu sababli elektr jihozlaridan foydalanganda, avvalo, uning soz yoki nosozligiga e’tiborsiz bo‘lish turli noxush holatlarni keltirib chiqarishi hech gap emas.
Shu bois, elektr energetikasi sohasidagi munosabatlarni tartibga solish maqsadida “O‘zbekiston Respublikasi elektr energetikasi” to‘g‘risidagi qonun kuchga kiritilib, qonun hujjatlarini buzganlik uchun javobgarlik belgilangan.
Tadbirkorlik sub’yektlari va fuqarolarning elektr energiyasidan foydalanish sohasida elektr energiya ta’minoti korxonalari bilan vujudga keladigan muammolarni hal etish maqsadida “O‘zdavenergonazorat” inspeksiyasining Toshkent shahar bo‘limida 233-29-77 raqamli “Ishonch telefoni” va har oyning 1-seshanbasida “Ochiq eshiklar kuni” joriy etilgan.
Agar elektr energiyasi sohasida vujudga keladigan ba’zi muammolar, murojaat va takliflaringiz bo‘lsa, bizning “Ishonch telefoni”mizga murojaat qilsangiz, vakolatimiz doirasida iste’molchilarga amaliy yordam ko‘rsatilishini aslo unutmang!
Muzaffar USMONOV,
“O‘zdavenergonazorat” inspeksiyasi Toshkent shahar bo‘limi inspektori
