Дунё ва саломатлик (2013-49)

Эркаклар ва аёллар мия фаолиятидаги янги фарқлар

АҚШнинг Пенсильвания университети мутахассислари олим Мадхур Ингалхаликар бошчилигида эркак ва аёлларнинг бош мия ярим шарларидаги ўзаро маълумот алмашиниш жараёнини кузатишди.

Олимлар тажриба остидаги кўнгиллиларнинг бош миясини МРТ(магнитрезонанстомограф) ёрдамида текширишди. Тиббий текширув натижаларига кўра миянинг оқ моддасидаги сувнинг аралашишини кузатиш мумкин.

Аниқланишича, кучли жинс вакилларида сигналлар асосан миянинг битта ярим шари ичида узатилар экан. Яна бир янгилик, илгари британиялик олимлар калла суяги тузилиши ва шахсий ҳаётнинг ўзаро боғлиқлигини ўрганишган эди. Экспертларнинг аниқлашларича, эркаклар ўзларига умр йўлдоши танлашда уларнинг юз тузилишига катта эътибор қаратади. Яъни, чўзинчоқ ва гўштдор юзли, квадрат шаклдаги жағга эга аёллар инглиз эркаклари наздида унча кўзга ташланмайди. Аммо уларга кўпроқ назокатли ва боши юмалоқ, шунингдек нозу карашмали аёллар ёқар экан. Бироқ, бундай сифатли аёллар билан турмуш қуришга инглиз эркаклари чўчишар экан.

Денгиз кораллари синган суякларни даволашда қўлланилмоқда

Суонси университети олимлари денгиз коралларини инсон суяк тўқимаси билан мослаштиришга эришдилар. Шуни таъкидлаш жоизки, коралл таркибидаги гидроксиапатит бир неча йиллардан бери суяк тўқимасини кўчириб ўтказишда фойдаланилмоқда.

Аммо, у бутунлай организмда парчаланиб кетмаганлиги сабабли чегараланган миқдорда ишлатилаётган эди. Чунки, бу материал ғовак тузилишга эга бўлгани учун битган суяк қайта синиб ва патоген микроблар кўпайган ҳоллари ҳам кузатилган.

Тадқиқотчилар Хитойнинг жанубий қирғоқ бўйларидаги денгиз коралларидан қисман карбонат кальций ажратиб олдилар. Уни карбонат гидроксиапатит билан аралаштирдилар. Натижада карбонат гидроксиапатит кальций ҳосил бўлди. Бу модда суяк кўчириб ўтказишда қўлланилган. Ҳозирда бу жарроҳлик амалиёти қўлланилган 16 нафар беморнинг аҳволи яхши. Ўтган тўрт ой давомида амалга оширилган анализлар натижаси қониқарли чиқди. Орадан икки йил ўтгач, танага киритилган бу модда бутунлай сўрилиб кетади ва шикастланган суякнинг яхши битиб кетишига ёрдам беради.

Лаборатория сичқонларида ўтказилган тажрибаларга кўра кораллардан ажратиб олинган карбонат гидросиапатит, кальций ҳамда ўзак ҳужайралар кўчириб ўтказилганда карбонатнинг юза қисмида янги суяк тўқимаси пайдо бўлгани кузатилди.

ГУЛШИРИН

Яна ўқинг:  Инсультдан кейин миянинг қайта тикланиши исботланди

Читайте также:

Добавить комментарий

Ваш адрес email не будет опубликован. Обязательные поля помечены *

Сообщить об опечатке

Текст, который будет отправлен нашим редакторам: