Sog‘liqni saqlash vazirligi tashabbusi: «Bor mehrimiz shu Vatan, shu xalq uchun!» shiori ostida salomatlik aksiyasi boshlandi

Mamlakatimizda olib borilayotgan har bir yangilanish va o‘zgarishlarning tub mazmun-mohiyatiga e’tibor bersak, ularning barchasi shu muqaddas Vatanda aziz sanalgan inson uchun ekanligi yaqqol namoyon bo‘ladi.

Bu o‘rinda yurtimiz sog‘liqni saqlash tizimida aholiga ixtisoslashgan tibbiy xizmatni yaqinlashtirish, tibbiy madaniyatni oshirish, sog‘lom turmush tarziga rioya qilish, sanitariya-­gigiyena sohasidagi ishlarni yanada kuchaytirish, homilador ayollarni asrab-avaylash, ayniqsa, aholiga mahallabay tibbiy xizmat ko‘rsatish masalalariga jiddiy e’tibor qaratilmoqda. Mazkur ustuvor vazifalarni bajarishda muntazam o‘tkazilayotgan tibbiy ko‘riklar, ijtimoiy aksiyalarning ahamiyati tobora oshib borayotir.

Shunday xayrli ishlarning davomi sifatida kuni kecha Sog‘liqni saqlash vazirligi tashabbusi bilan «Bor mehrimiz shu Vatan, shu xalq uchun!» shiori ostida salomatlik aksiyasiga start berildi. Dastlab Namangan viloyatidan boshlangan mazkur yirik aksiya hududlarda sog‘liqni saqlash tizimidagi islohotlarning ijro holatini o‘rganish, ijtimoiy himoyaga muhtoj va «temir daftar»ga kiritilgan aholiga yuqori texnologik zamonaviy tibbiy yordam ko‘rsatish maqsadida tashkillashtirilmoqda.

Aksiya doirasida 150 nafardan ziyod malakali tibbiyot xodimlari, jumladan, vazirlik tarkibiy tuzilmalari rahbarlari, poytaxtdagi tibbiyot oliy ta’lim muassasalari professor-o‘qituvchilari va ixtisoslashtirilgan ilmiy-amaliy tibbiyot markazlarining rahbarlari safarbar qilindi. Shu bilan birga, 500 nafarga yaqin mahalliy tibbiyot xodimlari jarayonlarda ishtirok etadilar.

Ularga quyidagi vazifalar yuklatildi:
– aholiga ixtisoslashgan tibbiy yordam ko‘rsatish;
– aholining salomatlik va kasallanish ko‘rsatkichlaridan kelib chiqib, guruhlarga bo‘linishining to‘g‘ri olib borilishini o‘rganish;
– ijtimoiy himoyaga muhtoj va «temir daftar»ga kiritilgan aholi orasidan yuqori zamonaviy tibbiy yordamga muhtoj bemorlarni tanlab olish;
– zarur mutaxassislar jalb etilgan holda joylarda amaliy tibbiy yordam ko‘rsatish va hokazo.

Namanganga yo‘l olgan mutaxassislar orasida infeksionist, epidemiolog, terapevt, nevropatolog, anesteziolog, bolalar anesteziologi, reanimatolog, pediatr, onkolog, dermatolog, otorinolaringolog, akusher-ginekolog, urolog, xirurg, oftalmolog, kardiolog, endokrinolog, travmatolog, ftiziatr, pulmonolog, neyroxirurg, narkolog, nefrolog, allergolog kabi o‘z sohasining ustalari bor.

Tekshiruvlar mahallabay kesimda o‘tkazilib, nogironligi bo‘lgan va boshqa muhtoj shaxslar protez-ortopediya buyumlari va reabilitatsiya texnik vositalari bilan ta’minlanadi.

Aksiya davomida bir qancha jarrohlik amaliyotlari o‘tkazilishi rejalashtirilgan. Xususan, buyrak transplantatsiyasi, endoprotezlash, yurakka stent o‘rnatish kabi eng murakkab jarrohlik amaliyotlari tibbiy ko‘rsatmaga qarab viloyat yoki poytaxtimizdagi eng nufuzli muassasalarda bepul amalga oshirilishi mo‘ljallangan.

Sog‘liqni saqlash vazirligi

Yana o‘qing:  Fond faoliyatidan (2014/17)

Jamoatchilik bilan aloqalar bo‘limi

Chitayte takje:

Dobavit kommentariy

Vash adres email ne budet opublikovan. Obyazatelni’e polya pomecheni’ *

Soobsh’it ob opechatke

Tekst, kotori’y budet otpravlen nashim redaktoram: