XABARLAR, YANGILIKLAR, VOQEALAR (2013-47)
- Poytaxtimizdagi “O‘zekspomarkaz” milliy ko‘rgazma markazida ixtisoslashtirilgan “SportWorld Uzbekistan – 2013” sport uskunalari, anjomlari va kiyimlari xalqaro ko‘rgazmasi boshlandi.
- Qarshi shahrida viloyat sog‘liqni saqlash boshqarmasi, respublika salomatlik va tibbiy statistika instituti viloyat filiali, viloyat endokrinologiya dispanseri hamkorligida “Diabetsiz sog‘lom hayot” mavzusida seminar o‘tkazildi.
- Italiyada erkaklar o‘rtasida davom etayotgan “Chellenjer” turkumidagi xalqaro turnirda dunyoning yigirmaga yaqin mamlakatidan kelgan tennischilar qatorida O‘zbekiston terma jamoasi a’zosi Farrux Do‘stov ham bosh sovrin uchun kurashmoqda.
- Poytaxtimizdagi 23-ixtisoslashtirilgan bolalar va o‘smirlar olimpiya zaxiralari sport maktabida sinxron suzish bo‘yicha Toshkent shahar ochiq birinchiligi boshlandi.
- Toshkentda “Tadbirkor ayol – 2013” ko‘rik-tanlovining Toshkent shahar bosqichi bo‘lib o‘tdi. Unda tanlovning quyi bosqichida saralangan 11 nafar ayol o‘z bilim va mahoratini namoyish etdi.
