Интернетсиз планшет
Шимолий Корея сенсорли экранга эга планшетлар ишлаб чиқаришни йўлга қўйди. “The Verge” нашрининг хабар беришича, “Самжиён” деб аталувчи миллий маҳсулот йил бўйи Осиёнинг кўплаб савдо кўргазмаларида намойиш этилди.
Таъкидлаш жоиз, қурилманинг сифати ёмон эмас. Мазкур планшет “Angry Birds” сингари оддий дастурларда ишлай олади.
Маълумотларга кўра, Шимолий Кореянинг ушбу маҳсулотида ТВ дастурларини томоша қилиш ва китоблар ўқишдан баҳраманд бўлиш мумкин. Бироқ, планшетнинг катта камчилиги унда интернетга уланиш имконияти йўқлигидир. Мамлакатда мавжуд ички тармоқ янги планшет фойдаланувчилари учун очиқ бўлса-да, унга уланиш жуда қийин.
