Sharofiddin “Katta dubulg‘a” turniri sovrindori
Birlashgan Arab Amirliklarining Abu-Dabi shahrida dzyudo bo‘yicha “Katta dubulg‘a” musobaqasi boshlandi.
Ushbu nufuzli turnirda o‘zbekistonlik polvonlar ham ishtirok etishmoqda.
Bugun – 60 kg vazn toifasida bahslarda ishtirok etgan Sharofiddin Lutfullayev Ukraina, Gruziya davlati vakillarini mag‘lubiyatga uchratib, yarim finalgacha yetib bordi. Final ostonasida esa u afsuski, boshqa bir gruziyalik raqibga imkoniyatni boy berib qo‘ydi. Hamyurtimiz bronza medali uchun kechgan jangda qozog‘istonlik Yeldosh Smetovni mag‘lub etdi va sovrindorlar qatoridan o‘rin oldi.
T. ORTIQOVA
