Respublika Olimpiya zaxiralari kollejida yangi suzish havzasi ish boshladi
Respublika Olimpiya zaxiralari kollejida yangi, zamonaviy suv havzasi foydalanishga topshirildi. Ushbu suzish havzasi Olimpiya standartlariga mos ravishda yaratilgan.
Uzunligi 50 metr, kengligi 25 metrni tashkil etuvchi mazkur suzish havzasida jahon miqyosidagi nufuzli musobaqalarni ham qabul qilish mumkin bo‘ladi. Undan tashqari, binoda faqatgina suv konstruksiyasi mavjud bo‘libgina qolmay, nazariy va amaliy mashg‘ulotlar o‘tkazish uchun mo‘ljallangan o‘quv sinflari, sport zali, tibbiyot xonasi ham mavjud. Suv havzasi qurilishida Ispaniya va Daniyadan zamonaviy uskunalar keltirilgan ushbu majmua Xalqaro suzish federatsiyasi – FINAning talablariga javob beradi.
