Bekzod – jahon chempionati sovrindori
Vengriya poytaxti Budapesht shahrida sport kurashlari bo‘yicha jahon chempionati o‘zining qizg‘in pallasiga kirdi.
Quvonarlisi, bahslarning ilk kuni – 74 kg vazn toifasida janglarda ishtirok etgan hamyurtimiz Bekzod Abdurahmonov bronza medalini qo‘lga kiritdi. Sportchimiz musobaqada gruziyalik raqibga mag‘lub bo‘lgandi. Ammo, keyinchalik unda bronza medali uchun kurash olib borish imkoniyati paydo bo‘ldi. U avvaliga Polsha, keyin esa Ozarboyjon davlati vakillarini mag‘lubiyatga uchratdi va bronza medali uchun jang qilish huquqiga ega bo‘ldi. Medal uchun bahsda yurtdoshimiz turkiyalik raqibini mag‘lubiyatga uchratdi.
