Нурота ва Моргузар тизма тоғлари кесишган жойда Ғўбдин қишлоғи жойлашган. Унинг аҳолиси асосан чорвачилик ва деҳқончилик билан шуғулланади.
Кенг яйловларда ёйилиб юрган қўй-қўзиларнинг кўпайиши учун шарт-шароит етарли бўлганлигидан аҳолининг турмуш тарзи йилдан-йилга яхшиланиб, фаровонлашиб бормоқда.
Биз бу ерда мактабимизнинг бошланғич синф ўқувчилари билан бўлган кунимиз баланд қоятошларда тоғ эчкиси, архарлар, уй ҳайвонлари, сурув ортидан чопаётган чўпон каби кўплаб суратларга кўзимиз тушди. Ушбу санъат асарлари қоятошларга ўйиб ишланган бўлиб, ўлкамизнинг нодир дурдоналари ҳисобланади. Аҳоли масканидан анча узоқда ҳамда шамол ва ёғингарчилик кам миқдорда бўлганлиги сабабли бу тасвирлар бугунга қадар яхши ҳолатда сақланиб қолган. Айниқса, суратлар қуёш осмонга тик кўтарилганда ёки ёмғирдан сўнг янада ёрқин, аниқ кўзга ташланади. Мазкур тасвирлар ўз даврининг моҳир рассомлари томонидан тошларга ўйиб ишланган.
Ҳар бир тошнинг ўзига хос хусусияти бор. Улардаги ноёб дурдоналарнинг контурлари аниқ ва равшан ифодаланган. Мусаввир томонидан суратнинг ҳар бир қисми (детали) моҳирона бажарилган. Ушбу тасвирларни кўздан кечирарканмиз ўтмишда ҳам ўлкамиз табиати бой ва хилма-хил бўлганлиги, уй ҳайвонларининг кўпайиши учун шарт-шароитлар мавжуд эканлигини билиб олдик. Шунингдек, сафаримиз давомида қадимий тош ўчоқ, меҳнатдан сўнг ҳордиқ чиқаришга мўлжалланган улкан тошлардаги бир нечта айвон ва супаларни ҳам кўздан кечирдик. Улардан ўтмишдаги аждодларимизнинг қандай фойдаланганликларини ҳам билиб олдик.
Умуман олганда Ғаллаорол тумани худудида жойлашган Ғўбдин қишлоғидаги қоятошларда жами 300 дан ортиқ суратлар мавжуд экан. Улар нодир асарлар ҳисобланиб, ҳайратимизни янада орттирди. Айниқса, саёҳатга келган ўқувчиларнинг таассуротлари бойиб, улар вужудида янада куч-ғайрат ва шижоат жўш урди.
Тиббиёт янгиликларидан хабардор бўлинг!
«Соғлом Авлод» расмий Telegram каналига аъзо бўлинг.
Шу мавзудаги бошқа мақолалар
Барчаси
ЖамиятКарьера кунида нималарга эришилди?
Бугунги кунда аҳолини, айниқса, ёшларнинг бандлигини таъминлаш масаласи жамиятнинг ижтимоий-иқтисодий ривожланишида муҳим аҳамиятга эга. Куни кеча Вебстер университети таълим дасту
ЖамиятЎқувчингиз «хобби»сини биласизми?
Ўқувчилар ўртасида ҳаётга енгил муносабатда бўладиган, дунёқараши тор ва юзаки фикрлайдиган ўсмирлар ҳам йўқ эмас. Аслида ҳаёт гўзаллигидан баҳраманд бўлиш, уни қанчалар қизиқарли
Жамият“ИФТИХОР”ЛИКЛАР ИШЛИ БЎЛМОҚДАМИ?
Чирчиқ шаҳар “Ифтихор” маҳалласидаги 7-мактабда ёшлар ва аёлларнинг иш билан бандлигини таъминлаш мақсадида меҳнат ярмаркаси ташкил этилди. Маҳалладаги 278 нафар ишсиз фуқаронинг и
ЖамиятCалоҳиятли кадрлар тайёрлаш – давр талаби
Таълим масканига кирарканман бир гуруҳ оқ халатли ўқувчи қизлар салом беришиб, раҳбарият биноси томонга бошлашди: – Юринг, сизга йўлни кўрсатиб юборамиз. Биз ҳам дарсга киряпмиз.