Navoiy viloyatida gepatologiya markazi ochildi
Navoiy viloyati yuqumli kasalliklar shifoxonasi tarkibida 300 million mablag‘ evaziga Gepatologiya markazi tashkil etildi.
Ayni paytda muassasada UTT, EKG, jigar sinamalari, o‘t pufagi, me’da osti bezi kasalliklarini diagnostika qilish imkoniyati mavjud. Markaz yuqumli kasalliklar va virusli gepatitlarning laboratoriya diagnostikasi samaradorligi oshirilishini ta’minlaydi. Fuqarolar dispanser ko‘rigidan va profilaktik tibbiy ko‘rikdan o‘tkaziladi.
Kelajakda muassasada polimeraza zanjir reaksiyasi usuli bilan tekshirish amaliyotini yo‘lga qo‘yish rejalashtirilgan.
