Денис Истомин ўз сўзини айтди
Мамлакатимизнинг биринчи рақамли теннисчиси Денис Истомин АҚШнинг Чикаго шаҳрида ўтказилган “Chicago Challenger” турнирида бош совринни қўлга киритди.
Денис мазкур мусобақада сальвадорлик Марсело Аревалони 6: 4,6: 1, АҚШ вакили Томми Полни 7: 5,6: 3, бельгиялик Рубин Бемельмансни 6: 3,6: 4, яна бир мезбон теннисчи Бьорн Фратанджелони 6: 1,6: 2 ҳисобида мағлубиятга учратиб, финалга йўл олди. Ҳал қилувчи финал баҳсда Д. Истомин мезбон теннисчи Рейлли Опелкани 6: 4,6: 2 ҳисобида таслим қилди.
Шу тариқа бош совринга эга чиққан Денис АТР рейтингининг 125 очкосини қўлга киритди.
