13 nafar bola Germaniyada davolanib qaytdi
“Sog‘lom avlod uchun” xalqaro xayriya fondi bemor bolalarni mamlakatimiz va xorij klinikalari hamda tibbiyot markazlarida sog‘lomlashtirishga ko‘maklashish bo‘yicha tibbiyot dasturlarini amalga oshirib kelmoqda.
Kuni kecha fond va “Friedensdorf International” xalqaro tashkiloti ko‘magida Germaniyaga yuborilgan 13 nafar bola davolanib, yurtimizga qaytdi.
Islom Karimov nomidagi Toshkent xalqaro aeroportida ularni kutib olish marosimi o‘tkazilib, unda “Sog‘lom avlod uchun” xalqaro xayriya fondi mutaxassislari, ota-onalar va ommaviy axborot vositalari xodimlari ishtirok etdi.
