“Lokomotiv” safarda yirik g‘alabaga erishdi
Futbol bo‘yicha Osiyo chempionlar ligasining beshinchi turida Toshkentning “Lokomotiv” jamoasi safarda “Al Vahda” klubini 4: 1 hisobida mag‘lubiyatga uchratdi.
Abu Dabi shahridagi “Zayed Sports City Stadium”da o‘tkazilgan o‘yinning birinchi bo‘limida “Lokomotiv” jamoasi a’zolari tezkor hujum uyushtirdi va 4-daqiqada Sardor Mirzayev hisobni ochdi. Shuningdek, Sardor 39-daqiqada jarima to‘pidan unumli foydalanib o‘yindagi ikkinchi goliga mualliflik qildi.
Ikkinchi bo‘limning 55-daqiqasida Sanjar Shoahmedov, o‘yin so‘nggida esa Sardor Rashidov raqib darvozasini ishg‘ol qildi. Bu gollar “temiryo‘lchilar”ning yirik hisobdagi g‘alabasini ta’minladi.
T. ORTIQOVA
