Qoraqalpog‘istonlik 3-sinf o‘quvchisi multfilm yaratdi

Qoraqalpog‘iston Respublikasi Mo‘ynoq tuman xalq ta’limi bo‘limiga qarashli “Barkamol avlod” bolalar markazi bugungi kunda o‘quvchilarning ijodiy qobiliyatini rivojlantirishga xizmat qilmoqda.

Ana shunday iqtidorli bolalardan biri tumandagi 1-sonli davlat ixtisoslashtirilgan umumta’lim maktabining 3-sinf o‘quvchisi, “Kompyuter grafikasi” to‘garagi a’zosi Allayar Qalbayev o‘quv yili davomida iqtidorli bolalar qatorida “Bolalar texnikaviy ijodkorligi” festivalining tuman, Qoraqalpog‘iston va O‘zbekiston bosqichlarida kino-video havaskorlik yo‘nalishi bo‘yicha ishtirok etib, g‘oliblar safidan joy oldi.

Ko‘rik-tanlovga kompyuter imkoniyatlaridan foydalanib tayyorlagan “Mening uyim” multfilmi va tumandagi so‘nggi paytlardagi o‘zgarishlar aks etgan “Bugungi Mo‘ynoq” nomli videorolik bilan ishtirok etdi.