Xavfsizlikni ta’minlovchi qulf
Buyuk britaniyalik 66 yoshli Bob Fitsjon eshigi ichkariga ochiluvchi har qanday bino xavfsizligini ta’minlaydigan qulf yaratdi.
Qurilmaga “Easylock” nomi berildi. U foydalanishda oddiy va buzilish ehtimolligi juda kam bo‘lgan mexanik qulf hisoblanadi.
“Easylock” – tirqishli metall plastinkali universal qulf. Ushbu qulf eshikka juda oson o‘rnatiladi. Eshik ochilib, qulf o‘rnatiladigan joyga ilgak yordamida qotiriladi va eshik yopiladi. Keyin tirqish bo‘ylab blokirator oxirigacha tortiladi va fiksatsiya uchun buraladi.
66 yoshli ixtirochining so‘zlariga qaraganda u dastavval “Easylock”ni faqat o‘zining oilasi uchun yaratgan. Keyinchalik do‘stlarining iltimosiga ko‘ra ularga ham shunday qulf yasab bergan. Shundan so‘ng qimmatli ixtironi ishlab chiqarishga tadbiq etish va kraudfanding kompaniyasini tashkil etish taklifi bildirilgan.
