2020 йилда мамлакатимиз аҳолиси рўйхатга олинади
Бутун дунё мамлакатлари 2020 йили аҳолини рўйхатга олиш амалиётини ўтказади. Шу муносабат билан Ўзбекистонда ҳам бу вақтгача норматив ҳужжатлар қабул қилинса Давлат статистика қўмитаси бу ишни амалга оширади.
Сўнгги маълумотларга кўра 2017 йилнинг 9 ойи мобайнида Ўзбекистон аҳолиси 32,5 миллион кишини ташкил этган. Шундан 523 минги янги туғилган чақалоқ бўлса, 116 мингдан ортиқ фуқаро вафот этган. 192 мингдан зиёд никоҳ рўйхатдан ўтган, 23 минг оила ажралишга қарор қилган.
Бундан кейин Президент фармойишига асосан ҳар 10 йилда бир марта аҳолини қайта рўйхатдан ўтказиш тадбири йўлга қўйилади. Ҳукумат томонидан топшириқ берилгандан сўнг бу тадбир амалга оширилади.
