Ona sog‘lom – bola sog‘lom
Toshkent tibbiyot kollejida erta nikohning oldini olishga qaratilgan “Sog‘lom onadan sog‘lom bola” mavzusida davra suhbati bo‘lib o‘tdi. Tadbirda Toshkent Tibbiyot Akademiyasi, Olmazor tuman ayollar maslahat markazi mutaxassislari hamda o‘qituvchi va o‘quvchilar ishtirok etishdi.
Mutaxassislar bo‘lajak hamshiralarga, qolaversa, o‘smir yoshidagi qizlarga “Ahloq, odob, muomala, kiyinish madaniyatini shakllantirish”, “Yoshlarni kasbga yo‘naltirish, turmushga tayyorlashning ahamiyatli jihatlari”, “Nikoh va oila tushunchalari”, “Erta nikoh hamda qarindosh-urug‘chilik ustida quriladigan nikohning salbiy oqibatlari, ularning oldini olish choralari” kabi mavzularda ma’lumotlar berishdi. O‘z navbatida o‘quvchilar ham o‘zlarini qiziqtirgan barcha savollarga mutaxassislardan atroflicha javob oldi.
